Hujus resurgens e tumulo micat , Buchonicorum gloria civium Et vestra , qui Musæ sacratum Assidui coluistis ignem ! 
Ad vos magistros impatiens regi Fluit juventus , vestraque iit domus Mox prima Germanis Palæstra , 
Artibus et probitate clara . 
Quot ex eadem prodierint Viri Magna per orbem laude scientiae Miraeque virtutis decori , 
Quis poterit celebrare cantu ? 
Pars regna sacris ritibus imbuit Episcopalem pars baculum tulit ; 
Abbatiales illa mitras , 
Hæc cathedras tenuit scholarum . 
His ille fervor viribus efficax Immensa nobis commoda contulit , > 
Fuldensibus seros in annos Grande decus columenque rebus ! 
Papulis hinc et Cæsareus favor Fu Idam peramplis auxit honoribus ; Pedoque sub curvo Bocauuo Publica res floruit beata .