Hoc genus incultum Frisiis novus advena terris , Winfridus , miserans ad meliora monet . 
Sternuntur delubra Deum , cadit icta securi Quercus fictitiis alta dicata Diis . 
Christi Winfridus doctrinas ore propagat , 
Atque Deo vero templa sacranda struit . 
Coenobiis silvae cedunt , surgunt nova muris Circum constructis oppida septa novis . 
Ad Fuldae fontes veniens , ibi figere cernit Sedes et socios tecta parare jubet . 
Est in conspectu mons , olim robore tectus , 
— Qui nunc a Sancta Virgine nomen habet — 
Inde patent late fluvii praeripia Fuldae , 
Circum multus ager multaque prata virent . 
Hic locus eligitur Winfrido , ipsoque jubente hic Coenobium primum , primaque templa struunt . 
Haec est origo , sunt haec primordia Fuldae . 
Urbs haec Winfrido semper amata fuit .